Originario de Codroipo (UD); presente en el territorio municipal de Santa Maria la Longa. Documentado en el año 1612. Primera documentación: “Urbanus Cingerle et Stephanus Cingerle de Vissocha” ( a jerin. a Gurize ); an 1697: “mistro Gio:Batta Cengherli di Sacile” ( al jere a stâ a Passarian di Codroip ); an 1729: “Domenico Cengherle”, “Domenico Zangarle” ( stes document e stesse persone; al jere muradôr intai lavôrs a Vile Manin di Passarian di Codroip ); an 1741: “Natale Zengarli di Lonca”; an 1751: “Francesco Cengarle” ( Rivolt ). Probabilmentri de peraule todescje “Zanger” = “fari che al faseve tanaiis” ( par todesc lis tanaiis si clamin “Zange” ), plui il sufis diminutîf todesc -li / -le. Par esempli intal an 1342 al viveve a Spilimberc il “filius Çanger de Sancto Odorlico”. Ma il nestri cognon si podarès spiegâ ancje partint di *Zinger / *Cinger , scurtadure di antîcs nons o cognons todescs: par esempli “Lanzinger” ( non di persone ben presint in Austrie ); “... hered. Laurentii Vinzinger” ( an 1405, Udin ); “Martino Crincingher, tedesco” ( an 1602, al jere a stâ in Friûl ). Difat la forme *Zinger / *Cinger e puès origjinâ, zontant il sufis diminutîf todesc -li / -le, il cognon Cengarle.