Presente en el territorio municipal de Santa Maria la Longa. Documentado entre 1202 y 1502. Primera documentación: “... presentibus Francisco quondam Florio” ( Brugnere ). Chest cognon al ven dal antîc non di persone “Flôr” che al jere sei feminin ( es. an 1432 “honesta domina Flor vidua relicta quondam Michaelis de Muruzio, Utini habitans” ) sei masculin ( es. an 1432 “honesta domina Caterina relicta olim Laurentii de Polla, Utini ad presens habitans, affinivit Florum eius filium” ). O ricuardìn ancje che in Friûl al esisteve il biel non di femine “Flor del camp” ( secul XIII ) e il sorenon di omp “Flor dal ort” ( an 1406 “Iohanuto dicto Flor Dalort de Magnano” ). Ma intal furlan medievâl la peraule “flor” e jere riferide ancje a un colôr ros o rossùt: duncje e podeve jessi doprade tantche sorenon par personis che a vevin i cjavei di colôr ros. Par esempli o cjatìn une vacje “del pel flor” a Lauzac tal an 1422; un manç “de pel flor” a Clauian tal an 1425; “unam vaccam rubeam seu floram” ( Secuals, an 1533 ) e ancje “unum eius equm pilli floris” a Gonârs intal an 1584. Dutcâs la spiegazion e à di partî dal non ( o sorenon ) di persone “Flôr” che al è stât prime latinizât in “Floreus” e daspò talianizât in “Florio”: par esempli a Muzane al jere il cognon “DEL FLOR” ( an 1565 ) che daspò 22 agns al vignive scrivût “DEL FLORIO” ( an 1587 ).